پاکستان اور آسٹریلیا کے درمیان تین ٹیسٹ میچوں کی سیریز کا دوسرا میچ ’باکسنگ ڈے ٹیسٹ‘ 26 دسمبر سے میلبرن میں کھیلا جا رہا ہے جس پر میزبان ٹیم کا پلڑا بھاری ہے۔
پاکستان اور آسٹریلیا کے درمیان تین ٹیسٹ میچوں پر مشتمل سیریز کا دوسرا میچ ’باکسنگ ڈے ٹیسٹ‘ 26 دسمبر سے میلبرن کرکٹ اسٹیڈیم میں کھیلا جائے گا۔ اس اسٹیڈیم پر باہمی میچز میں میزبان کینگروز کو واضح سبقت حاصل ہے۔
شاہینوں اور کینگروز کے درمیان اس گراؤنڈ میں اب تک 10 ٹیسٹ میچ کھیلے گئے ہیں جن میں سے آسٹریلیا نے 6 اور پاکستان نے دو میچز جیت رکھے ہیں جب کہ دو میچز بے نتیجہ رہے ہیں۔
میلبرن کرکٹ گراؤنڈ آسٹریلوی بیٹرز کا فیورٹ میدان بھی ہے جہاں انہوں نے 30 بار 500 سے زائد رنز بنائے ہیں جب کہ تین بار اسکور کو 600 سے پار تک لے گئے ہیں۔
سابق قومی کپتان اظہر علی اسی گراؤنڈ میں 2016 میں ڈبل سنچری بنانے کا اعزاز بھی رکھتے ہیں۔
آسٹریلیا نے میلبرن کرکٹ گراونڈ پر مجموعی طور پر 115 ٹیسٹ کھیلے ہیں جس میں سے 66 میں فتح اپنے نام کی جب کہ 32 میں شکست ہوئی ہے۔
پاکستان آخری بار اس گراونڈ پر 1981 میں کامیاب رہا تھا۔ دیکھنا ہوگا کہ 26 دسمبر سے شروع ہونے والے میچ میں پاکستان 42 سال سے فتح کا قحط توڑ پاتا ہے یا پھر ہار کی یہ روایت برقرار رہتی ہے۔
