دنیائے کرکٹ کے نامور کرکٹر اور سابق بھارتی کپتان ویرات کوہلی جنوبی افریقہ کے خلاف پہلے ٹیسٹ کے آغاز سے چند روز قبل وطن واپس پہنچ گئے۔
بھارتی میڈیا کا اس حوالے سے کہنا ہے کہ بورڈ آف کنٹرول فار کرکٹ ان انڈیا (بی سی سی آئی) کے ذرائع نے اس بات کی تصدیق کی ہے کہ جنوبی افریقہ کے خلاف 26 دسمبر سے سنچورین میں شروع ہونے والے پہلے ٹیسٹ میں سابق بھارتی کپتان کوہلی کی شرکت مشکوک ہوگئی ہے۔
سابق بھارتی کپتان ویرات کوہلی کی اچانک وطن واپسی کی وجہ فیملی ایمرجنسی بتائی گئی ہے، مگر اس کی نوعیت کا علم نہیں ہوسکا ہے۔
بھارتی میڈیا کا کہنا ہے کہ سابق بھارتی کپتان ویرات کوہلی نے بی سی سی آئی کو سنچورین ٹیسٹ سے قبل ٹیم کو جوائن کرنے کی یقین دہانی بھی کروائی ہے۔
اسٹارک کی آئی پی ایل میں تاریخی نیلامی ملک کی خدمت کا صلہ ہے، اہلیہ ایلیسا
واضح رہے کہ جنوبی افریقہ کیخلاف ٹی ٹوئنٹی اور ون ڈے سیریز کھیلنے سے ویرات کوہلی نے پہلے ہی معذرت کرلی تھی۔ بھارت کا دورہ جنوبی افریقا 2 ٹیسٹ، 3 ون ڈے اور 3 ٹی ٹوئنٹی میچز پر مشتمل ہے۔
