شوبز انڈسٹری کی اداکارہ ایمن سلیم اور کامران ملک رشتہ ازدواج میں منسلک ہوگئے۔
فوٹو اور ویڈیو شیئرنگ ایپ انسٹاگرام پر اداکارہ ایمن سلیم نے اپنی شادی کی تصاویر شیئر کرتے ہوئے مداحوں کو رشتہ ازدواج میں منسلک ہونے کی اطلاع دی۔
ایمن سلیم نے لکھا کہ ’یہ ہے میرے ہمیشہ کے لیے۔‘ الحمدللہ۔‘
اداکارہ نے تصاویر شیئر کرتے ہوئے کیپشن میں شادی کی تاریخ 22 دسمبر 2023 درج کی۔
View this post on Instagram
ایمن سلیم کو ساتھی فنکاروں اور مداحوں کی جانب سے شادی کی مبارک باد دی جارہی ہیں اور ان کے لیے نیک خواہشات کا اظہار کیا جارہا ہے۔
واضح رہے کہ ایمن سلیم نے جولائی 2021 میں شوبز سے دوری کا اعلان کیا تھا، جس کے بعد انہوں نے یہ بھی واضح کیا تھا کہ وہ کچھ وقت تک تنہائی میں سوچنے کے بعد واپس انڈسٹری میں آنے یا نہ آنے کا فیصلہ کریں گی پھر انہوں نے ایک اور ڈرامے میں اداکاری کے جوہر دکھائے۔
کراچی میں پیدا ہونے والی پاکستانی اداکارہ ایمن سلیم نے نجی ٹی وی کے ڈرامہ سیریل سے اپنے کیریئر کا آغاز کیا تھا۔
View this post on Instagram
پاکستان میں ڈرامہ انڈسٹری کا حصہ بننے سے قبل بیرون ملک قسمت آزمائی کرنے والی ایمن سلیم نے اپنی گریجویشن بھی امریکہ کی یونیورسٹی آف پنسلوینیا سے کر رکھی ہے۔ پاکستان میں اے لیول کے دوران انہوں نے گنیز بک آف ورلڈ ریکارڈز کا ایک اعزاز بھی اپنے نام کر رکھا ہے۔
سابق کرکٹر سلیم یوسف کی صاحبزادی ایمن سلیم فٹبال سے متعلق ایک اسپورٹس شو کی میزبان بھی رہی ہیں۔
View this post on Instagram
پاکستانی ڈرامہ انڈسٹری میں ایمن سلیم کو انڈین کرکٹر ویرات کوہلی کی اداکار اہلیہ انوشکا شرما کی ہم شکل بھی کہا جاتا ہے۔
