اشتہار

دنیا بھر میں کرسمس کا جشن جاری، پوپ فرانسس کی تہوار سادگی سے منانے کی اپیل

اشتہار

حیرت انگیز

دنیا بھر میں کرسمس کا جشن جاری ہے، پاکستان سمیت دنیا کے ہر خطے میں آج کرسمس منایا جا رہا ہے، ایسے میں پوپ فرانسس نے تہوار سادگی سے منانے کی اپیل کی ہے۔

تفصیلات کے مطابق دنیا بھر میں کرسمس کی تقریبات جاری ہیں، ویٹی کن سٹی میں مرکزی تقریب منعقد ہوئی، جس میں پوپ فرانسس نے کرسمس کا تہوار سادگی سے منانے کی اپیل کی۔

پوپ فرانسس نے کرسمس کی عالمی تقریبات کا آغاز اس دکھ کے ساتھ کیا کہ یسوع کے امن کے پیغام کو ان ہی کی سرزمین پر ’جنگ کی لا حاصل منطق‘ کے ذریعے غرق کیا جا رہا ہے۔ انھوں نے کہا آج رات ہمارے دل بیت لحم میں ہیں، جہاں ’امن کے شہزادے‘ کو ایک بار پھر جنگ کی فضول منطق اور ہتھیاروں کی جنگ کے ذریعے مسترد کر دیا گیا ہے۔

- Advertisement -

برلن کے فٹ بال اسٹیڈیم میں بھی کرسمس کی رنگا رنگ تقریب ہوئی، اور اسٹیڈیم موم بتیوں کی روشنیوں سے جگمگا اٹھا، امریکی ریاست فلوریڈا میں ہزاروں افراد سانتا کا روپ دھارے سرفنگ کرنے پہنچ گئے۔

حضرت عیسیٰؑ کی ’جائے پیدائش‘ بیت لحم میں فضا سوگوار، کرسمس منسوخ

میکسیکو میں بھی دیوہیکل کرسمس ٹری سج گیا، اسپین کے دارالحکومت میڈرڈ میں سانتا رن کا اہتمام کیا گیا، روس میں کرسمس ٹری نے ہر سو روشنیاں بکھیر دیں۔

برطانوی شاہی خاندان نے بھی کرسمس کی مناسبت سے کانسرٹ کا اہتمام کیا، فراسن ، بیلجیم، روس، چین اور اٹلی میں بھی کرسمس کی رنگا رنگ تقریبات کا اہتمام کیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں