کراچی: ایکسپو سینٹر میں دفاعی نمائش اور وی وی آئی پی موومنٹ کے باعث بیشتر سڑکوں پرٹریفک کی بدترین صورتحال ہے ۔ جس سے شہریوں کو شدید پریشانی کا سامنا کرنا پڑ رہا ہے۔
کراچی ایکسپو سینٹر میں نمائش میں سیکیورٹی کے سخت انتظامات کئے گئے ہیں، چار بڑی سڑکیں بند ہیں، آئیڈیاز دوہزار چودہ کے سلسلے میں وی وی آئی پی موومنٹ اور غیر ملکی مندوبین کی حفاظت کے لیے ایکسپو سینٹر کے اطراف سڑکوں کی بندش سے متبادل سڑکوں پر گاڑیوں کی لمبی قطاریں لگ گئیں، جس سے شہریوں کی مشکلات میں اضافہ ہوگیا ہے۔
حکام نےاسٹیڈیم روڈ ، یونیورسٹی روڈ ، کارساز روڈ اور آغا خان روڈ عام ٹریفک کے لیے چاد دن تک بند کی گئی ہے، شہری متبادل راستوں کا استعمال کریں گے، متبادل راستوں پر بھی ٹریفک اہلکاروں اور پولیس کی غیر موجودگی کے باعث عوام پریشانی کا شکارہے۔
