لندن : سال 2024 میں برطانیہ خلیجی ممالک اور اردن کے شہریوں کو ویزا کی چھوٹ دینا شروع کردے گا۔
برطانیہ کی حکومت کے ایک بیان کے مطابق تمام ممالک جو خلیج تعاون کونسل کے رکن ہیں، بشمول اردن، سال 2024میں الیکٹرانک ٹریول پرمٹ سسٹم میں از خود تبدیل ہو جائیں گے۔
ایسے وقت جب برطانوی حکام سیاحوں، طلباء اور تاجروں کے لیے برطانیہ میں داخلے کو آسان بنانے کے لیے سرحدی طریقہ کار کو ہموار کرنے کے لیے کام کر رہے ہیں۔
غیر ملکی خبر رساں ادارے کی رپورٹ کے مطابق برطانوی حکومت نے کہا ہے کہ خلیجی ممالک اور اردن کے باشندوں کو ملک میں داخل ہونے کے لیے وزٹ ویزا حاصل کرنے کی بھی ضرورت نہیں ہوگی۔
برطانوی حکومت کی وضاحت میں کہا گیا ہے کہ اردن، بحرین، سعودی عرب، کویت، سلطنت عمان، قطر اور امارات سمیت تمام خلیجی ممالک الیکٹرانک ٹریول اتھارائزیشن سسٹم (ای ٹی اے) پر منتقل ہوجائیں گے، جو وزٹ ویزا کی ضرورت کو ختم کرتا ہے۔
ویزا استثنیٰ کے لیے درخواست دینے کی تاریخ کے حوالے سے حکومت نے تصدیق کی ہے کہ یہ 22 فروری 2024 کی تاریخ کے بعد ہوگی۔
ویزا استثنیٰ کے لیے درخواست دینے کی تاریخ کے حوالے سے حکومت نے تصدیق کی ہے کہ یہ 22 فروری 2024 کی تاریخ کے بعد ہوگی۔
سیاحوں کو ہر عمر کے لئے الیکٹرانک طور پر 10 برطانوی پاؤنڈ مالیت کا ٹریول پرمٹ حاصل کرنے کے لئے درخواست جمع کرانی ہوگی، یہ اجازت نامہ سیاحوں کو جاری کیا جائے گا۔
