امریکی سینیٹر نے کہا ہے کہ امریکی صدر جو بائیڈن نے اسرائیل کو ہتھیاروں کی فراہمی کے حوالے سے عوام کو اندھیرے میں رکھا۔
تفصیلات کے مطابق سابق نائب صدارتی امیدوار ڈیمو کریٹک سینیٹر ٹم کین نے بائیڈن انتظامیہ کے عمل کی مذمت کرتے ہوئے کہا کہ امریکی صدر بائیڈن کی انتظامیہ نے دوسری بار کانگریس کو بائی پاس کیا ہے۔
ڈیموکریٹک سینیٹرٹم کین نے مزید کہا کہ بائیڈن انتظامیہ اسرائیل کو کس بنیاد پر جنگی سامان فراہم کر رہی ہے۔
ٹم کین نے کہا کہ بائیڈن کو ہتھیاروں کی فروخت کے حوالے سے کانگریس کو نظرانداز نہیں کرنا چاہیے۔ امریکی سینیٹر نے اسرائیل کو امریکی ہتھیاروں کی منتقلی پر نگرانی کا مطالبہ بھی کیا۔
واضح رہے کہ ایک طرف جنگ بندی کا مطالبہ کیا جارہا ہے تو دوسری طرف امریکا اسرائیل کیلئے جنگی سامان کی منظوری دے رہا ہے۔
بائیڈن انتظامیہ کی جانب سے اسرائیل کو ہتھیاروں کی فروخت کے حوالے سے کانگریس کو نظرانداز کردیا گیا ہے۔
ایک ماہ میں دوسری بار امریکی انتظامیہ نے بڑے پیمانے پر اسرائیل کیلئے جنگی سامان کی منظوری دی ہے۔
