سنچورین ٹیسٹ میچ میں میزبان جنوبی افریقہ کے خلاف دوسری اننگز میں صفر پر آؤٹ ہونے کے بعد بھارت کپتان روہت شرما میمرز کے نشانے پر آگئے۔
تفصیلات کے مطابق گھر کے شیر بھارتی بیٹرز جنوبی افریقہ کی باؤنسی پچز پر پہلے ٹیسٹ میچ میں بری طرح ناکام رہے۔ سوائے کے ایل رایول اور ویرات کوہلی کے کوئی بھارتی بیٹر اچھی اننگز کھیلنے میں ناکارم رہا۔
بھارتی کپتان جو اپنے ملک میں رنز کے ڈھیر لگادیتے ہیں وہ سنچورین ٹیسٹ کی پہلی اننگز میں محض 5 رنز پر آؤٹ ہوئے جبکہ دوسری اننگز میں انھیں صفر کی خفت سے دوچار ہونا پڑا۔
what A bowler! https://t.co/DlCUi3rVDI pic.twitter.com/rCF8hUA3zf
— rishi w (@nerve_of_steel) December 28, 2023
روہت شرما کی بیٹنگ میں بری طرح ناکامی انھیں میمرز کے نشانے پر لے آئی اور ان کے خلاف سوشل میڈیا پر میمز کا طوفان آگیا۔
مزے کی بات یہ ہے کہ روہت شرما کو جنوبی افریقی باؤلر کاگیسور ربادا نے ٹیسٹ میچ میں ساتویں بار اپنا شکار بنایا۔ دوسری اننگز میں بھارتی کپتان ایک خوبصورت آؤٹ سوئنگ پر بولڈ ہوئے۔
روہت کے خلاف بننے والی میمز میں سے ایک میں ان کا شکریہ ادا کیا گیا جبکہ انھیں بھارتی پلیئرز کے کاندھے پر بیٹھا ہوا بھی دکھایا گیا۔
ایک صارف نے لکھا کہ مبارک ہو روہت آپ جیت گئے جبکہ نیچے لکھا گیا کہ بہت کرکٹ دیکھ کر وقت برباد کرتے ہو۔
ایک صارف نے تو حد ہی کردی جنوبی افریقہ میں میزبان سائیڈ کے خلاف روہت کی پچھلی اننگز کے تمام اسکور کو آویزاں کردیا جس سے ظاہرت ہوتو ہے کہ وہ ایک بھی نصف سنچری بنانے میں ناکام رہے۔
