آسٹریلوی اوپنر ڈیوڈ وارنر نے ٹیسٹ کے بعد ون ڈے کرکٹ سے بھی ریٹائرمنٹ کا اعلان کر دیا ہے تاہم وہ ٹی ٹوئنٹی بدستور کھیلتے رہیں گے۔

آسٹریلیا کرکٹ ٹیم کے اوپنر ڈیوڈ وارنر جنہوں نے پاکستان سے رواں سیریز کے اختتام کے ساتھ ہی ٹیسٹ کرکٹ کو الوداع کہنے کا اعلان کر رکھا ہے اب انہوں نے ون ڈے کرکٹ سے بھی ریٹائرمنٹ کا اعلان کر دیا ہے۔

ڈیوڈ وارنر نے یہ اعلان گزشتہ روز سڈنی میں پریس کانفرنس میں کیا جہاں انہوں نے ون ڈے کرکٹ سے ریٹائرمنٹ کا اعلان کرتے ہوئے کہا کہ وہ اپنے اس فیصلے سے بہت خوش ہیں اور اپنا فارغ وقت فیملی ساتھ گزارنا چاہتے ہیں۔

انہوں نے کہا کہ وہ ٹی ٹوئنٹی کرکٹ بدستور کھیلتے رہیں گے اور اس فارمیٹ میں آسٹریلوی ٹیم کو دستیاب ہوں گے۔