لاہور : گڈو پاورپلانٹ سسٹم میں فنی خرابی دور نہ ہونے کے باعث ملک بھر میں بجلی کا بحران مزید شدت اختیار کر گیا۔
تفصیلات کے مطابق گڈو پاورپلانٹ سسٹم میں فنی خرابی ایک روز بعد بھی دور نہ ہوسکی، ذرائع این ٹی ڈی سی نے بتایا ہے کہ ملک بھر میں بجلی کا بحران مزید شدت اختیار کر گیا ہے۔
جس کے باعث لسیکوسمیت تمام ڈسٹری بیوشن کمپنیوں میں کئی گھنٹوں کی غیر اعلانیہ لوڈشیڈنگ شروع کردی گئی ہے، لیسکو میں ہر گھنٹے بعد ایک گھنٹے کی غیر اعلانیہ لوڈشیڈنگ ہورہی ہے۔
ذرائع کا کہنا ہے کہ لیسکو کا شارٹ فال 1000میگاواٹ سےاوپرچلا گیا ہے، لسیکو کوصرف 1500 میگاواٹ بجلی مل رہی ہے تاہم بند پاور پلانٹس آج بھی نہیں چلائے جا سکے۔
یاد رہے آج صبح بھی شدید دھند کےباعث بجلی کا ترسیلی نظام متاثر ہوا، ترجمان پاور ڈویژن کے مطابق گدوکےقریب این ٹی ڈی سی کی ٹرانسمیشن لائنز ٹرپ کرگئیں تھیں۔
شدید دھند کے باعث این ٹی ڈی سی کی دوسو بیس اورپانچ سو پچاس کےوی کی لائنوں کو نقصان پہنچا جبکہ پاور ڈویژن ٹرپنگ سے پانچ سو کے وی کے سرکٹ بریکر کو بھی نقصان پہنچا۔
