پاکستان کے معروف گلوکار فرحان سعید نے بھارتی گلوکار بی پراک کو پاکستان آنے کی دعوت دیدی۔
حال ہی میں دبئی میں ہونے والے کنسرٹ میں بھارتی و پاکستانی فنکاروں نے بھرپور شرکت کی، جس کی ویڈیوز سوشل میڈیا پر وائرل ہوئی ہیں۔
View this post on Instagram
تاہم ایک ویڈیو پاکستانی گلوکار اور بالی وڈ کے گلوکار کی ہے، وائرل ویڈیو میں دیکھا جاسکتا ہے کہ پاکستانی گلوکار فرحان سعید اور بھارتی گلوکار بی پراک کنسرٹ کے دوران اسٹیج پر ایک ساتھ نظر آ رہے ہیں۔
فرحان سعید نے پڑوسی ملک کے گلوکار بی پراک کو پاکستان آنے کی دعوت دی، انہوں نے کہا کہ میری خواہش ہے کہ آپ پاکستان آئیں اور وہاں اپنا کنسرٹ کریں۔
اس کے علاوہ فرحان سعید نے اسٹیج پر بی پراک کا مشہور گانا’من بھریا‘گنگنا کر بی پراک کو اپنا پرستار بنا لیا۔
مذکورہ ویڈیو جیسے ہی سوشل میڈیا پر وائرل ہوئی صارفین بھی فرحان سعید کے سُروں پر داد دیے بغیر نہ رہ سکے۔
