لاہور: موٹروے ایم 5 شیر شاہ سے روہڑی تک موٹر وے پولیس نے شدید دھند کے باعث بند کردیا ہے۔
اے آر وائی نیوز کے مطابق موٹر وے پولیس کے ترجمان کے مطابق موٹروے ایم 1 شدید پشاور سے برہان تک دھند کی وجہ سے بند کردیا گیا ہے۔
ترجمان کے مطابق سوات ایکسپریس وے کرنل شیر خان سے اسماعیلہ تک دھند کی وجہ سے بند ہے، موٹرویز کو عوام کی حفاظت اور محفوظ سفر یقینی بنانے کے لیے بند کیا گیا ہے۔
ترجمان موٹروے پولیس کی طرف سے جاری بیان کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔
دھند کے باعث مسافر بس الٹ گئی، 2 افراد جاں بحق
ترجمان موٹروے پولیس نے کہا کہ سفر شروع کرنے سے پہلے موٹروے پولیس ہیلپ لائن 130 یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کر لیں۔
