جاپان کے وسطی صوبے اشیکاوا میں آئے زلزلے کے بعد امریکی صدر جُوبائیڈن نے مدد کی پیش کش کر دی۔
غیر ملکی ذرائع ابلاغ کے مطابق امریکی صدر بائیڈن کا اپنے پیغام میں کہنا ہے کہ مشکل کی اس گھڑی میں جاپانی عوام کے ساتھ ہیں۔ زلزلے کے بعد جاپان کو مدد فراہم کرنے کے لیے تیار ہیں۔
واضح رہے کہ گزشتہ روز جاپان کے دارالحکومت ٹوکیو سے چار سو کلومیٹر دور وسطی صوبے اشیکاوا میں 7.6 شدت کا زلزلہ آیا تھا، زلزلے کے سبب درجنوں عمارتیں تباہ ہوگئیں۔
دوسری جانب امریکی سینیٹر نے کہا ہے کہ امریکی صدر جو بائیڈن نے اسرائیل کو ہتھیاروں کی فراہمی کے حوالے سے عوام کو اندھیرے میں رکھا۔
سابق نائب صدارتی امیدوار ڈیمو کریٹک سینیٹر ٹم کین نے بائیڈن انتظامیہ کے عمل کی مذمت کرتے ہوئے کہا کہ امریکی صدر بائیڈن کی انتظامیہ نے دوسری بار کانگریس کو بائی پاس کیا ہے۔
ڈیموکریٹک سینیٹرٹم کین نے مزید کہا کہ بائیڈن انتظامیہ اسرائیل کو کس بنیاد پر جنگی سامان فراہم کر رہی ہے۔
بھارتی بحریہ کے جہاز موت بانٹنے میں مصروف ہوگئے
ٹم کین نے کہا کہ بائیڈن کو ہتھیاروں کی فروخت کے حوالے سے کانگریس کو نظرانداز نہیں کرنا چاہیے۔ امریکی سینیٹر نے اسرائیل کو امریکی ہتھیاروں کی منتقلی پر نگرانی کا مطالبہ بھی کیا۔
