لاہور : لیگی رہنما مریم نواز کی پی پی 80 سے کاغذات نامزدگی منظوری کا فیصلہ اپیلیٹ ٹریبونل میں چیلنج کر دیا گیا۔
تفصیلات کے مطابق لیگی رہنما مریم نواز کی پی پی 80 سے کاغذات نامزدگی منظوری کے فیصلے کیخلاف اپیل دائر کردی گئی۔
اپیل علی حسن شاہ نے مشتاق موہل ایڈووکیٹ کی وساطت سے دائر کی، اپیل میں موقف اختیار کیا گیا ہے کہ کاغذات نامزدگی پر مریم نواز کے دستخط جعلی ہیں اور بیان حلفی بھی جعلی کیونکہ مریم نواز شاہ پور سرگودھا میں گئی ہی نہیں ۔
اپیل کنندہ کے مطابق مریم نواز نے کاغذات نامزدگی میں اپنے کیسز کا ذکر نہیں کیا اور مریم نواز نے اپنی جائیداد کی مکمل تفصیلات بھی بیان نہیں کیں۔
اپیل میں کہنا تھا کہ مریم نواز کے کاغذات نامزدگی میں حقاٸق چھپاٸے گٸے اور قانونی تقاضے پورے نہیں کیے گٸے اس کے باوجود انھیں منظور کرلیا گیا۔
دائر اپیل میں استدعا کی گٸی ہے مریم نواز کے کاغذات نامزدگی منظور کرنے کا فیصلہ کالعدم قرار دیا جائے۔
