لاہور: لاہور ہائی کورٹ نے پی ٹی آئی کی انتخابی نشان ‘بلا’ واپس لینے کیخلاف درخواست مسترد کردی۔
تفصیلات کے مطابق لاہور ہائی کورٹ نے پاکستان تحریک انصاف (پی ٹی آئی) کی انتخابی نشان واپس لینے کیخلاف درخواست پرفیصلہ سنادیا۔
جسٹس جوادحسن نےپی ٹی آئی کےعمر آفتاب کی درخواست پر فیصلہ سنایا، جس میں لاہور ہائیکورٹ نے انتخابی نشان واپس لینے کیخلاف درخواست ناقابل سماعت قرار دے کرمسترد کردی۔
وکیل درخواست گزار نے کہا کہ انٹراپارٹی الیکشن کے نتیجے میں بیرسٹرگوہر پارٹی چیئرمیں بن گیئے، ہم نے انٹراپارٹی الیکشن کےنتائج الیکشن کمیشن کو دیے ، الیکشن کمیشن نے نتائج تسلیم نہ کیے اور انتخابی نشان واپس لے لیا۔
وکیل کا کہنا تھا کہ اس فیصلے کےخلاف ہم پشاور ہائیکورٹ گئے، پشاور ہائیکورٹ نے الیکشن کمیشن کا آرڈر معطل کر دیا، ہمیں آر او کو وضاحت دینا پڑی ہے کہ ہم پی ٹی آئی سے ہیں ،ہم نےصوبائی الیکشن کمیشن سے رجوع کیا مگر دادرسی نہ ہوئی۔
گزشتہ روز پشاور ہائی کورٹ نے پی ٹی آئی انٹرا پارٹی الیکشن اور انتخابی نشان کیس پر حکم امتناع واپس لیتے ہوئے الیکشن کمیشن کا بائیس دسمبر کا فیصلہ بحال کیا تھا، جس کے بعد پی ٹی آئی سے بلے کا نشان واپس چھن گیا۔