گوگل کی جانب سے اپنی مقبول سروس میپس میں ایک زبردست فیچر کا اضافہ کر دیا گیا ہے۔ مگر اس فیچر کے حوالے سے زیادہ تر لوگ نہیں جانتے۔
غیر ملکی ذرائع ابلاغ کے مطابق گوگل میپس میں آپ اپنے پیاروں کے ساتھ لائیو لوکیشن کو شیئر کراسکتے ہیں، تاکہ وہ آپ کے لئے فکر مند نہ ہوں۔
یہ فیچر گوگل میپس میں زیادہ بہتر طریقے سے کام کرتا ہے۔ یہ واٹس ایپ اور ٹیلی گرام جیسی میسجنگ ایپس میں موجود لائیو لوکیشن ٹریکنگ جیسا ہی فیچر ہے۔
آپ کو اس میں صرف یہ کرنا ہے کہ اپنے دوست یا رشتے دار کو لائیو لوکیشن ٹریکنگ کی اجازت دینا ہوگی، لوکیشن ٹریکنگ کے ساتھ ساتھ آپ ڈیوائس کے بیٹری لیول، چارجنگ پر لگے ہونے یا پہنچنے کے ممکنہ وقت جیسی تفصیلات بھی معلوم کرسکتے ہیں۔
اپنے فون میں اس فیچر کو استعمال کرنے کے لیے گوگل میپس کو اوپن کرنا ہوگا اور پروفائل پکچر پر کلک کرکے وہاں لوکیشن شیئرنگ آپشن کا انتخاب کرکے شیئر لوکیشن بٹن پر کلک کرنا ہوگا۔
اس کے بعد ایک نئی ونڈو کھل جائے گی، جہاں آپ ان افراد کا انتخاب کرسکیں گے جن سے لوکیشن شیئر کرنا چاہتے ہیں۔ اس کے ساتھ ساتھ آپ اس لنک کو دیگر افراد سے شیئر بھی کر سکیں گے۔
کیا اسمارٹ فونز، سیٹلائٹ سے جوڑ دیئے جائیں گے؟
لوکیشن شیئرنگ کے لیے مخصوص وقت جیسے ایک، 2 یا 24 گھنٹے کا تعین کرنا بھی ممکن ہے، ایک بار لوکیشن شیئر کرنے کے بعد رشتے داروں یا دوستوں کو لائیو اپ ڈیٹ ملے گی کہ آپ اس وقت کہاں موجود ہیں۔
