مٹیاری: ہالہ قومی شاہراہ پر خوفناک حادثہ پیش آیا، مسافر بس آگ لگنے کے باعث مکمل طور پر جل گئی۔
اے آر وائی نیوز کے مطابق آگ لگنے سے مسافر بس مکمل جل گئی، پولیس ذرائع کا کہنا ہے کہ مسافر بس کار سے ٹکرانے کے بعد بجلی کے پول سے ٹکرائی۔
پولیس کے مطابق حادثے کے بعد ٹرانسفارمر اور تاروں سے بس میں آگ لگی، بس میں سوارتمام مسافر محفوظ ہیں، جانی نقصان نہیں ہوا، حادثے کی شکار مسافر بس گھوٹکی سے بھٹ شاہ جارہی تھی۔
واضح رہے کہ اس سے قبل گزشتہ دنوں اوچ شریف میں شدید دھند کے باعث مسافر بس الٹ گئی تھی جس کے نتیجے میں 2 افراد موقع پر ہی جاں بحق جب کہ 10 زخمی ہو گئے تھے۔
ملک کے بیشتر علاقوں میں دھند کا راج، موٹر ویز بند
ٹریفک حادثے کا یہ افسوسناک واقعہ اوچ شریف میں کوٹ خلیفہ کے قریب پیش آیا جہاں مسافر کوچ شدید دھند کے باعث الٹ گئی جس کے نتیجے میں دو مسافر موقع پر ہی دم توڑ گئے جب کہ 10 افراد زخمی ہوگئے تھے۔
