اسلام آباد : نگراں وزیراعظم انوار الحق کاکڑ کی ہدایت پر سانحہ 9 مئی سے متعلق کابینہ کمیٹی قائم کردی گئی ، کمیٹی نو مئی کے واقعات کا جائزہ لے گی۔
تفصیلات کے مطابق 9مئی واقعات کا جائزہ اور آئندہ روک تھام پر سفارشات کی تیاری کیلئے کابینہ کمیٹی قائم کردی گئی۔
نگراں وزیراعظم کی ہدایت پرکابینہ ڈویژن نے کمیٹی کے قیام کا نوٹیفکیشن جاری کردیا، جس میں بتایا گیا ہے کہ کابینہ کمیٹی کی سربراہی نگراں وفاقی وزیر قانون احمد عرفان اسلم کریں گے جبکہ کمیٹی ممبران میں وزرائے داخلہ ، اطلاعات اور انسانی حقوق بھی شامل ہیں۔
- Advertisement -
نوٹیفکیشن میں کہنا تھا کہ کمیٹی 9مئی 2023 کے واقعات کا جائزہ لے گی او ایسے واقعات کی آئندہ روک تھام کیلئے سفارشات تیارکرےگی۔
