اسلام آباد: سابق وزیراعظم ذوالفقار علی بھٹو کی پھانسی کے خلاف صدارتی ریفرنس پر سماعت آج ہوگی، جس میں عدالتی معاونین ریفرنس میں قانونی اور آئینی نکات پر عدالت میں دلائل دیں گے۔
تفصیلات کے مطابق سپریم کورٹ میں سابق وزیراعظم ذوالفقار علی بھٹو کی پھانسی کے خلاف صدارتی ریفرنس کی سماعت آج ہوگی۔
چیف جسٹس قاضی فائز عیسیٰ کی سربراہی میں نو رکنی لارجر بینچ سماعت کرے گا، پیپلز پارٹی صدارتی ریفرنس پر سپریم کورٹ میں تحریری جواب جمع کراچکی
عدالت نے گزشتہ سماعت پرآرٹیکل 186 کےاسکوپ پر معاونت طلب کی تھی اور کیس پر معاونت کیلئے عدالتی معاونین بھی مقرر کیے تھے۔
عدالتی معاونین ریفرنس میں قانونی اور آئینی نکات پر عدالت میں دلائل دیں گے۔
پیپلزپارٹی 108صدارتی ریفرنس پر صفحات پر مشتمل تحریری جواب عدالت میں جمع کراچکی ہے، تحریری جواب میں جسٹس نسیم حسن شاہ کے انٹرویو کی تفصیلات شامل ہیں۔
اس کے علاوہ جواب میں انٹرویو کی یو ایس بی، سی ڈی اور اردو انگریزی ٹرانسکرپٹ بھی جمع کرایا گیا ہے۔
