بہاولپور: صوبہ پنجاب شہر بہاولپور میں مسافر بس نہر میں گرنے سے تین افراد جاں بحق اور سترہ زخمی ہوگئے۔
تفصیلات کے مطابق صوبہ پنجاب شہر بہاولپور میں مسافر بس نہر میں جا گری، جس کے نتیجے میں تین افراد جاں بحق اور سترہ زخمی ہوگئے۔
ریسکیو ذرائع نے بتایا کہ بس کو حادثہ نوشہرہ جدید کے قریب موڑ کاٹتے ہوئے پیش آیا تاہم زخمیوں کو طبی امداد کے لیے بہاول وکٹوریہ اسپتال منتقل کر دیا گیا ہے۔
- Advertisement -
یاد رہے 3 روز قبل ہالہ قومی شاہراہ پر خوفناک حادثہ پیش آیا تھا، جہاں مسافر بس آگ لگنے کے باعث مکمل طور پر جل گئی تھی۔
پولیس ذرائع کا کہنا تھا کہ مسافر بس کار سے ٹکرانے کے بعد بجلی کے پول سے ٹکرائی تاہم بس میں سوارتمام مسافر محفوظ رہے، جانی نقصان نہیں ہوا، حادثے کی شکار مسافر بس گھوٹکی سے بھٹ شاہ جارہی تھی۔
