کراچی: پاکستان پیپلز پارٹی نے اعلان کردہ امیدواروں کے حق میں کاغذات نامزدگی جمع کرانے والے باقی تمام افراد کو دستبردار ہونے کی ہدایت کر دی۔
تفصیلات کے مطابق صدر پی پی سندھ نثار کھوڑو نے کہا ہے کہ صوبہ سندھ میں نامزد امیدواروں کے سوا پارٹی کے تمام افراد حلقوں سے دستبردار ہو جائیں، ان کا کہنا تھا کہ کاغذات نامزدگی جمع کرانے والے افراد پارٹی کی جانب سے اعلان کردہ امیدواروں کے حق میں فوری دستبردار ہوں۔
نثار کھوڑو نے کہا کہ دستبردار ہونے کی رسید پیپلز پارٹی کے صوبائی رابطہ سیکریٹری کو ارسال کی جائے، اعلان کردہ امیدواروں کو ہی پارٹی ٹکٹ جاری ہوگا۔
ایم کیو ایم پاکستان کا وزیراعظم کے لیے نواز شریف کو ووٹ دینے کا اعلان
نثار کھوڑو کی جانب سے امیدواروں کو یہ ہدایت بھی کی گئی ہے کہ اگر حلقوں میں ان کے خلاف پارٹی کا کوئی ورکر یا رہنما الیکشن کے لیے کھڑا ہو تو فوری طور پر پارٹی قیادت کو مطلع کیا جائے تاکہ ان کے خلاف کارروائی کی جا سکے۔
انھوں نے کہا کہ ہم 8 جنوری کو ملک بھر میں سرپرائز دیں گے، اور سندھ میں ہمارا کوئی مقابلہ نہیں ہے، ہمارے ٹکٹ ہولڈر امیدواروں کے علاوہ کوئی جیالا کھڑا نہیں ہوگا۔
