اسلام آباد: تھانہ شالیمار کے علاقے میں لڑکی کو مبینہ اجتماعی زیادتی کا نشانہ بنایا گیا دیا، متاثرہ لڑکی نے بتایا کہ ذیشان اور اس کے دونوں دوستوں نے زیادتی کی۔
تفصیلات کے مطابق اسلام آباد کے تھانہ شالیمار کے علاقے ای الیون میں مبینہ اجتماعی ذیادتی کا واقعہ پیش آیا، پولیس نے متاثرہ لڑکی کا بیان ریکارڈ کرکے واقعے کا مقدمہ درج کرلیا ہے۔
لڑکی کا اپنے بیان میں کہنا ہے کہ ذیشان نامی لڑکا مجھے گاڑی میں بٹھا کر ای الیون تھری مرکز لے گیا اور چکر لگاتا رہا، جہاں اسکا دوست حمزہ اور اسکے مزید دو دوست موجود تھے۔
متاثرہ لڑکی نے بتایا کہ ذیشان نے کہا آپ پیچھے بیٹھ جائیں ہم آپ کو ڈراپ کر دیتے ہیں، ذیشان کے دو دوست بھی گاڑی میں بیٹھ گئے اور سنسان جگہ لے گئے ذیشان اور اس کے دوست نے اسلحہ نکال لیا اور مجھے دھمکیاں دیں۔
لڑکی کا مزید کہنا تھا کہ ذیشان اور اس کے دونوں دوستوں نے اسلحہ کی نوک پر زیادتی کا نشانہ بنایا، ذیادتی کے بعد مجھے صبح پانچ بجے میرے فلیٹ پر چھوڑ گئے اور دھمکیاں دیں۔
