اسلام آباد: الیکشن کمیشن آف پاکستان نے عوامی نیشنل پارٹی کو انتخابی نشان لالٹین الاٹ کر دیا۔
تفصیلات کے مطابق الیکشن کمیشن نے اے این پی کو انتخابی نشان لالٹین الاٹ کر دیا، نیز اس کی انٹرا پارٹی الیکشن کے لیے مہلت کی درخواست بھی منظور کر لی۔
اے این پی کو 10 مئی تک انٹرا پارٹی الیکشن کی مہلت دے دی گئی ہے، تاہم الیکشن کمیشن نے اے این پی پر اس تاخیر کے لیے 20 ہزار روپے جرمانہ بھی عائد کر دیا ہے۔
- Advertisement -
یاد رہے کہ الیکشن کمیشن نے انٹرا پارٹی الیکشن کے سلسلے میں اسفندیار ولی کو نوٹس جاری کیا تھا، انٹرا پارٹی الیکشن نہ کرانے پر الیکشن کمیشن نے 13 جماعتوں کو گزشتہ روز ڈی لسٹ کر دیا تھا۔
