جنوبی امریکی ملک کولمبیا میں لینڈ سلائیڈنگ کے باعث 18 افراد لقمہ اجل بن گئے، لینڈ سلائیڈنگ سے تقریباً 30 افراد زخمی بھی ہوئے جنہیں اسپتال منتقل کردیا گیا ہے۔
بین الاقوامی خبر رساں ادارے کی رپورٹ کے مطابق شہر میڈیلن اور کیوبڈو کو ملانے والی شاہراہ کو عارضی طور پر بند کردیا گیا ہے، بتایا جارہا ہے کہ لینڈ سلائیڈنگ کا واقعہ مسلسل جاری بارشوں کے سبب پیش آیا ہے۔
دوسری جانب امریکا کی مشرقی ریاستیں شدید بارشوں اور برفانی طوفان کی زد میں آگئیں، جس کے سبب 5 افراد ہلاک اور متعدد زخمی ہوگئے۔
بین الاقوامی خبر رساں ادارے کی رپورٹ کے مطابق نیویارک سمیت 12 ریاستوں میں 4 لاکھ سے زائد مکانات اور کاروباری مراکز بجلی سے محروم ہوچکے ہیں۔
امریکی میڈیا کا اس حوالے سے کہنا ہے کہ شدید بارشوں کی وجہ سے ساڑھے تیرہ ہزار پروازیں منسوخ اور ساڑھے آٹھ سو سے زائد تاخیر کا شکار ہیں۔
بچے کا سر سلاخوں میں پھنس گیا، دردناک مناظر کیمرے کی آنکھ میں قید
نیو جرسی اور کنکٹی کٹ میں دریاؤں میں پانی کی سطح بلند ہوگئی ہے اور ڈیم کو نقصان پہنچنے سے شہری گھر چھوڑنے پر مجبور ہوچکے ہیں۔
