8 فروری کو ہونے والے عام انتخابات کے سلسلے میں الیکشن کمیشن نے ڈسٹرکٹ ریٹرننگ افسران اور ریٹرننگ افسران کو اہم ہدایات جاری کر دی ہیں۔
اے آر وائی نیوز کے مطابق 8 فروری کو ہونے والے عام انتخابات کے سلسلے میں الیکشن کمیشن نے ڈسٹرکٹ ریٹرننگ افسران اور ریٹرننگ افسران کو اہم ہدایات جاری کر دی ہیں جس میں انہیں انتخابی نشانات کی تبدیلی سے اجتناب کرنے کی ہدایت کی گئی ہے۔
الیکشن کمیشن نے ریٹرننگ افسران کو کہا ہے کہ بیلٹ پیپرز کی چھپائی کا عمل شروع ہو چکا ہے۔ ہو سکتا ہے اس مرحلے پر انتخابی نشان کی تبدیلی ممکن نہ ہو سکے، اس لیے ڈی آر اوز اور آر اوز انتخابی نشانات کی تبدیلی سے اجتناب کریں۔
- Advertisement -
الیکشن کمیشن کی جانب سے یہ بھی کہا گیا ہے کہ اگر انتخابی نشان میں تبدیلی لازمی ہو تو اس کے لیے کمیشن سے پیشگی اجازت لی جائے۔
