لاس اینجلس: کریڈٹ کارڈ نے لوگوں کی زندگی آسان کردی ہے ، کریڈٹ کارڈ نے روز مرہ ضروریات کی اشیاء خریدنے کیلئے رقم ساتھ اٹھا کر پھرنے کی ضرورت ختم کردی ہے لیکن اس کا صرف یہی فائدہ نہیں کیونکہ امیر لوگوں کے پاس ہر وقت روپے موجود ہوتے ہیں پھر بھی وہ کریڈٹ کارڈ استعمال کرتے ہیں۔
کریڈٹ کارڈ آپ کو فراڈ سے بچاتا ہے، اگر دکاندار وعدہ پورا نہ کرے یا کمتر کوالٹی کی چیز دے دے تو کریڈٹ کارڈ کمپنی کے ذریعے ادائیگی رکوائی جاسکتی ہے۔
کریڈٹ کارڈ کی مدد سے آپ فضائی سفر اور ہوٹلوں میں قیام کے دوران بہتر سہولتیں حاصل کرسکتے ہیں۔
کریڈٹ کارڈ کے استعمال پر آپ کو پوائنٹس بھی حاصل ہوتے ہیں جس کے باعث آپ کی بچت بھی ہوتی ہے۔
اگر آپ کریڈٹ کارڈ کا بل بروقت ادا کرتے رہیں تو آپ کی رقم آپ کے اکاﺅنٹ میں رہے گی اور آپ کو اس پر سود ملتا رہے گا۔
کریڈٹ کارڈ کا بل بروقت ادا کرنے والوں کا کریڈٹ سکور بہتر ہوجاتا ہے جس کے باعث انہیں قرض ملنے میں سہولت ہوتی ہے۔
کریڈٹ کارڈ کے ذریعے آپ کو کار، گھر اور دیگر انشورنس سہولیات بھی حاصل ہوسکتی ہیں۔
ہر کمپنی اور شاپنگ سنٹر ڈیبٹ کارڈ کی بجائے کریڈٹ کارڈ والے کسٹمر کو زیادہ خوشدلی سے خوش آمدید کہتی ہے۔
پلاٹینیم یا دیگر مہنگے کریڈٹ کارڈ کو دیکھتے ہی ہوٹل، ریسٹورنٹ یا شاپنگ سنٹر والے سمجھ جاتے ہیں کہ آپ ایک خاص کسٹمر ہیں جس کے باعث آپ کو خاص اہمیت دی جاتی ہے۔۔
دولتمند لوگ کریڈٹ کارڈ کے استعمال سے اس لئے بھی فائدے میں رہتے ہیں کہ وہ ہر مہینے بل ادا کرکے سود سے بچے رہتے ہیں۔
