حوثیوں کی جانب سے خلیج عدن میں امریکی جہاز پر ایک اور حملہ کیا گیا ہے۔ تاہم حملے کے نتیجے میں کسی نقصان کی اطلاع نہیں ملی۔
بین الاقوامی خبر رساں ادارے کی رپورٹ کے مطابق حوثی نیول فورسز کا اس حوالے سے کہنا ہے کہ چم رینجرز نامی امریکی جہاز پر متعدد میزائل فائر کیے گئے۔
غیرملکی میڈیا کے مطابق چم رینجرز امریکا کی ملکیت مارشل آئی لینڈز کا آئل ٹینکر جہاز ہے۔
برطانوی میری ٹائم رسک مینجمنٹ کمپنی کے مطابق واقعے میں جہاز یا عملے کو نقصان پہنچنے کی اطلاع نہیں۔ میزائل جہاز سے 30 میٹر دور سمندر میں گرے۔
یاد رہے کہ یمن پر حملے کے بعد حوثی باغیوں نے بحیرہ احمر میں اسرائیل کی طرف جانے والے جہازوں پر حملوں میں اضافہ کردیا ہے۔
دوسری جانب میکسیکو اور چلی نے بھی عالمی عدالت سے غزہ جنگ میں ممکنہ جرائم کی تحقیقات کا مطالبہ کیا۔
میکسیکو اور چلی نے غزہ میں اسرائیل کی جنگ کو بین الاقوامی فوجداری عدالت (آئی سی سی) سے رجوع کیا ہے، جس میں تشدد میں اضافے کے بارے میں ”بڑھتی ہوئی تشویش”کا اظہار کیا گیا ہے اور عدالت سے 7 اکتوبر سے ہونے والے ممکنہ جرائم کی تحقیقات کے لیے کہا گیا ہے۔
جمعرات کو ایک بیان میں، میکسیکو کی وزارت خارجہ نے ”خاص طور پر شہری اہداف کے خلاف”تشدد پر تشویش کا حوالہ دیا۔
متحدہ عرب امارات میں ہزاروں نوکریوں کا اعلان
عالمی عدالت انصاف میں گزشتہ ہفتے فلسطینیوں کے قتلِ عام پر اسرائیل کے خلاف جنوبی افریقا کی درخواست پر سماعت منعقد کی گئی تھی۔
