کوئٹہ : بلوچستان کے ضلع ہرنائی کے جنوب مشرقی علاقے میں زلزلے کے جھٹکے محسوس کئے گئے اور لوگ کلمہ طیبہ کا ورد کرتے ہوئے گھروں سے باہر نکل آئے۔
تفصیلات کے مطابق پاکستان کا صوبہ بلوچستان زلزلے سے لرز اٹھا ، بلوچستان کے ضلع ہرنائی کے جنوب مشرقی علاقےمیں زلزلے کے جھٹکے محسوس کئے گئے۔
زلزلہ پیما مرکز نے بتایا کہ زلزلے کی شدت 3.6 ریکارڈ کی گئی اور زلزلے کا مرکز ہرنائی کے جنوب مشرق میں 45 کلو میٹر دور تھا۔
- Advertisement -
زلزلے سے خوفزدہ ہوکر لوگ کلمہ طیبہ کا ورد کرتے ہوئے گھروں سے باہر نکل آئے۔
یاد رہے 11 جنوری کو ملک کے مختلف شہروں میں زلزلے کے شدید جھٹکے محسوس کئے گئے تھے۔
زلزلہ پیما مرکز کا کہنا تھا کہ زلزلے کی شدت 6.0 ریکارڈ کی گئی تھی اور زلزلے کی گہرائی 213کلو میٹر تھی، جبکہ زلزلے کا مرکز ہندوکش ریجن تھا۔
