دنیا بھر میں بے شمار مداح رکھنے والے معروف گلوکار کے ساتھ حادثہ پیش آگیا، مداحوں کے رش کے باعث وہ بچ نہ سکے۔
برطانیہ سے تعلق رکھنے والے گلوکار زین ملک پیرس فیشن ویک میں شرکت کے دوران حادثے کا شکار ہوگئے۔ انھیں دیکھنے کے لیے کافی مداح موجود تھے، ایسے میں وہ سیکیورٹی کے ساتھ آگے بڑھ رہے تھے کہ اسی دوران ایک گاڑی ان کے پاؤں کے اوپر سے گزر گئی۔
غیرملکی میڈیا رپورٹس کے مطابق تقریب کے دوران گلوکار کے ساتھ پیش آنے والے حادثے کی ویڈیوز سوشل میڈیا پر وائرل ہورہی ہیں۔
زین کے ارد گرد سیکیورٹی گارڈز موجود تھے جو انھیں عوام سے بچا کر لے جارہے تھے۔ ویڈیو میں دیکھا جاسکتا ہے کہ اس دوران اچانک ایک گاڑی گلوکار کے پاؤں پر سے گزرگئی جس کی وجہ سے وہ وہیں رک گئے۔
اس حادثے کے بعد گلوکار کو چلنے میں دشواری کا سامنا کرنا پڑا لیکن وہ پھر بھی اپنے مداحوں کے ساتھ تصاویر بنواتے رہے۔
حادثے کے حوالے سے گلوکار نے سوشل میڈیا پر ایک پوسٹ شیئر کی جس میں شو کے حوالے سے بھی اظہار خیال لی۔ برطانوی سنگر کا کہنا تھا کہ اب ان کا پاؤں ٹھیک ہے۔
واضح رہے کہ زین ملک پاکستانی بینڈ ’اور‘ کے ساتھ ہٹ ٹریک ’تو ہے کہاں‘ کے ریمکس کے لیے اشتراک کرچکے ہیں جو مداحوں کو کافی پسند آیا تھا۔
