کراچی: سیکیورٹی اداروں کے محاصرے کے دوران جاگیرانی گینگ کے حمیر جاگیرانی نے سرینڈر کر دیا ہے۔
تفصیلات کے مطابق رینجرز اور پولیس کی جانب سے اندرون سندھ کچے کے علاقے میں جرائم پیشہ افراد کے خلاف آپریشن کیا گیا، دوران محاصرہ جاگیرانی گینگ کے حمیر جاگیرانی نے سرینڈر کر دیا۔
ترجمان رینجرز کے مطابق جاگیرانی گینگ کے خلاف کندھ کوٹ کے علاقے کچا بھنڈی کا محاصرہ کیا گیا تھا، سرنڈر کرنے والا ملزم حمیر جاگیرانی اغوا اور قتل کی وارداتوں میں ملوث اور پولیس کو متعدد ایف آئی آرز میں مطلوب تھا۔
- Advertisement -
سیکیورٹی اداروں کو کچے میں ڈاکوؤں کی نقل و حرکت محدود رکھنے کے لیے گشت اور اسنیپ چیکنگ بڑھانے کی ہدایت کی گئی ہے، ترجمان رینجرز کے مطابق ونگ کمانڈر، ایس ایس پی اور ڈی سی کشمور نے حساس پولنگ اسٹیشنز کا بھی دورہ کیا۔
