ایرانی سرکاری میڈیا کی جانب سے جاری کردہ بیان میں کہا گیا ہے کہ صوبے سمنان میں بڑے دھماکے کی آواز سنی گئی ہے۔
ایرانی سرکاری میڈیا کے مطابق دھماکا سمنان کے صنعتی قصبے میں سنا گیا ہے، ابھی تک دھماکے کی جگہ کا تعین نہیں ہو سکا ہے۔ جبکہ ریسکیو کے عملے کو جائے وقوعہ کی طرف روانہ کردیا گیا ہے۔
واضح رہے کہ اس سے قبل ایران کے شہر کرمان میں ہونے والے دو خودکش بم دھماکوں کی ذمہ داری داعش نے قبول کی ہے جو پاسداران انقلاب کے ایک اعلیٰ کمانڈر قاسم سلیمانی کی چوتھی برسی کی تقریب کے دوران ہوئے تھے۔
ان دھماکوں میں ایک سو کے قریب افراد ہلاک اور 280 سے زیادہ زخمی ہو گئے تھے۔
کینیڈا کا سیاحتی ویزا حاصل کرنے کا آسان طریقہ؟
داعش کی سرگرمیوں اور نظریات پر نظر رکھنے والے ماہرین نے کہا ہے کہ یہ دہشت گرد گروپ ممکنہ طور پر غزہ کی پٹی میں اسرائیل اور حماس کے درمیان جاری جنگ کے سبب پھیلنے والی افراتفری سے فائدہ اٹھانے کو توقع رکھتا ہے۔
