لاہور: چیئرمین پی سی بی مینجمنٹ کمیٹی ذکا اشرف کی جگہ محسن نقوی کو پاکستان کرکٹ بورڈ (پی سی بی) کا چیئرمین لگانے کا فیصلہ کرلیا گیا۔
ذرائع کے مطابق ذکا اشرف کا بطور چیئرمین پی سی بی مینجمنٹ کمیٹی استعفیٰ منظور کرلیا گیا، نگراں وزیر اعظم انوارالحق کاکڑ نے ذکا اشرف کا استعفیٰ منظور کیا۔
ذرائع نے بتایا کہ ذکا اشرف کی جگہ محسن نقوی کو چیئرمین پی سی بی مینجمنٹ کمیٹی لگانے کا فیصلہ کرلیا گیا ہے جس کا نوٹیفکیشن جلد جاری کیا جائے گا۔
- Advertisement -
ذرائع کا کہنا ہے کہ محسن نقوی پی سی بی گورننگ بورڈ کے لئے بھی نامزد ہوں گے، یاد رہے کہ محسن نقوی اس وقت نگراں وزیر اعلیٰ پنجاب کے فرائض انجام دے رہے ہیں۔
واضح رہے کہ 19 جنوری کو پاکستان کرکٹ بورڈ (پی سی بی) چیئرمین مینجمنٹ کمیٹی کے سربراہ ذکا اشرف نے عہدے سے استعفیٰ دے دیا تھا۔
