طالبہ کی جانب سے جنوبی سعودی عرب کے ایک اسکول کی ٹیچر کے خلاف ایک عجیب و غریب شکایت درج کرانے کا معاملہ سامنے آیا ہے۔
غیرملکی ذرائع ابلاغ کے مطابق طالبہ کی شکایت پر تحقیقاتی کمیٹی تشکیل دی گئی۔ طالبہ کی جانب سے درج کرائی گئی شکایت کے بارے میں ٹیچر سے پوچھ گچھ کی گئی تو اُس کی حیرانگی کی انتہاء نہ رہی۔
طالبہ کی جانب سے درج کرائی گئی شکایت میں کہا گیا تھا کہ اس نے خواب میں دیکھا ہے کہ ٹیچر اس پر تشدد کررہی ہے۔
طالبہ نے خواب کے اس واقعے کو اپنے گھر والوں سے بیان کیا۔ گھر والوں نے وزارت تعلیم کے رابطہ پورٹل پر شکایت درج کرادی۔
سعودی عرب کے پہاڑوں میں عجیب و غریب جانور نمودار، تصاویر وائرل
تحقیقاتی کمیٹی شکایت کا نوٹس لے کراسکول پہنچی تو پتہ چلا شکایت تخیلاتی ہے جو کچھ ہوا وہ خواب میں ہوا تھا، حقیقت سے اس کا کوئی تعلق نہیں۔ تحقیقاتی کمیٹی نے حقیقت سامنے آنے پر کارروائی روک دی۔
