لاہور : سینئر سیاست دان جاوید ہاشمی نے دعویٰ کیا ہے کہ پنجاب پولیس نے میرے گھر پر چھاپہ مار کر داماد شاہد بہار، نواسے قاسم ہاشمی اور ملازمین کو گرفتار کرلیا ہے۔
تفصیلات کے مطابق پنجاب پولیس نے جاوید ہاشمی کے گھر پر رات گئے چھاپہ مارا، اس حوالے سے ،مخدوم جاوید ہاشمی نے سماجی رابطے کی ویب سائٹ ایکس پر اپنے پیغام میں بتایا کہ پنجاب پولیس نے رات ایک بجے میری رہائش گاہ کا محاصرہ کیا، پولیس چادر چار دیواری کا تقدس پامال کرتی ہوئے بغیروارنٹ گھرمیں داخل ہوئی۔
پنجاب پولیس کا رات 1 بجے بیسیوں اہلکاروں نے میری مخدوم رشید کی رہائش گاہ کا محاصرہ کر لیا ہے اور غیر قانونی طور میرے گھر کی چادر چار دیواری کا تقدس پامال کرتے ہوئے بلا وارنٹ اندر داخل ہوگئے۔ میرے داماد شاہد بہار ہاشمی اور نواسے قاسم ہاشمی کو غیر قانونی تحویل میں لے لیا گیا ہے۔…
— Javed Hashmi (@JavedHashmiJH) January 24, 2024
جاوید ہاشمی کا کہنا تھا کہ داماد شاہد بہار ہاشمی اور نواسے قاسم ہاشمی کو غیر قانونی تحویل میں لیا گیا اور گھر کے تمام ملازمین کو گرفتار کرلیا گیا ہے۔
انھوں نے دعویٰ کیا کہ پولیس دروازے توڑ کر اس کے گھر میں داخل ہوئی۔
توڑ پھوڑ کے مناظر pic.twitter.com/5FyGHDd6kB
— Javed Hashmi (@JavedHashmiJH) January 24, 2024
