کراچی: سندھ ہائیکورٹ کے باہر سے پولیس نے پی ٹی آئی کارکنوں کو گرفتار کرلیا۔
اے آر وائی نیوز کے مطابق سندھ ہائیکورٹ کے باہر پی ٹی آئی 5 کارکنان ضمانت کے لیے آئے تھے جنہیں پولیس نے گرفتار کیا ہے۔
علاوہ ازیں تین تلوار ہنگامہ آرائی کیس میں پی ٹی آئی رہنماؤں کی 6 روزہ حفاظتی ضمانت منظور کرلی گئی۔
- Advertisement -
سندھ ہائیکورٹ نے 30 ہزار روپے کے مچلکے جمع کروانے کا حکم دیا، عدالت نے پی ٹی آئی رہنماؤں کو 6 روز میں متعلقہ عدالت سے رجوع کرنے کی ہدایت کی۔
واضح رہے کہ راجہ اظہر، شاہ نواز جدون، سعید آفریدی ودیگر نے ضمانت کی درخواست دی تھی۔
