لاہور: انسداد دہشت گردی عدالت نے 9 مئی کے اشتہاری ملزمان کی جائیدادیں قرق کرنے کا حکم دے دیا۔
اے آر وائی نیوز کے مطابق انسداد دہشت گردی کی عدالت کے جج محمد نوید اقبال کی جانب سے جاری کیے گئے فیصلے میں قرار دیا گیا کہ تفتیشی آفیسر نے ملزمان کی گرفتاری کے لیے ضروری ہے کہ ملزمان کی جائیدادیں قرق کرنے کا حکم دیا جائے۔
ریونیو افسران کو ڈسٹرکٹ میں ملزمان کی منقولہ اور غیر منقولہ جائیداد قرق کرے۔
- Advertisement -
عدالت نے اشتہاری ملزم میاں اسلم اقبال، حماد اظہر، مراد سعید، اعظم سواتی، حافظ فرحت، علی امین گنڈا پور، واجد عظیم، شاہد چوہدری، طارق ثنا باجوہ، چوہدری آصف شکور، نعیم ریاض، علی رشید پوتا، ممتاز بیگم، محمد اکرم، ملک اظہر، حسین بارا، امجد سہیل نیازی اور ثاقب سلیم بٹ کی جائیدادیں قرق کرنے کے احکامات جاری کیے ہیں۔