شکارپور: پولیس اور قانون نافذ کرنے والے اداروں نے خفیہ اطلاع پر کارروائی کرتے ہوئے خیرو تیغانی گینگ کے سربراہ بدنام ڈاکو خیرو تیغانی کو گرفتار کر لیا۔
تفصیلات کے مطابق سندھ کے شکار پور کے کچے کے علاقے گڑھی تیغو کے ڈاکو خیرو تیغانی کو پولیس آپریشن کے دوران گرفتار کر لیا گیا۔
ایس ایس پی محمد عمران خان کے مطابق چند روز قبل کچے میں ڈاکوؤں کا آپس میں جھگڑا ہوا تھا جس میں فائرنگ کی گئی تھی، اس فائرنگ سے ڈاکو خیرو تیغانی زخمی ہو گیا تھا۔
- Advertisement -
ایس ایس پی نے بتایا کہ جب زخمی ڈاکو کو رحیم یار خان کے اسپتال میں منتقل کیا گیا تو خفیہ اطلاع پر کارروائی کرتے ہوئے پولیس نے مطلوب ڈاکو کو اسپتال سے گرفتار کر لیا، خیرو تیغو40 سے زائد مقدمات میں پولیس کو مطلوب تھا، اور حکومت سندھ نے خیرو کے زندہ یا مردہ گرفتاری پر 70 لاکھ انعام رکھا تھا۔
