چمن : عوامی نیشنل پارٹی کے انتخابی دفتر پر مسلح افراد کی فائرنگ کے نتیجے میں اے این پی رہنما ظہوراحمد جاں بحق ہوگئے۔
تفصیلات کے مطابق بلوچستان کے ضلع چمن کے علاقے میزئی اڈا میں عوامی نیشنل پارٹی کے انتخابی دفتر پر مسلح افراد کی فائرنگ کردی۔
فائرنگ سے اے این پی رہنما ظہوراحمد جاں بحق ہوگئے جبکہ دوسرا کارکن معین خان زخمی ہوا۔
- Advertisement -
فائرنگ کے بعد مسلح افراد فرار ہوگئے ، پولیس نے علاقے کی ناکہ بندی کرکے تحقیقات شروع کردی ہے۔
اس سے قبل بلوچستان کے دارلحکومت کوئٹہ میں سریاب روڈ پر پیپلزپارٹی کے انتخابی دفتر پر دستی بم حملہ ہوا تھا ، دستی بم حملے میں 3 افراد زخمی ہوگئے تھے۔
