سنگاپور(اے ایف پی) – بھارتی وزیراعظم نریندر مودی کو الیکشن میں ان کی تاریخ ساز کامیابی کے سبب سنگاپور پریس گروپ نے ’ایشین آف دی ایئر‘کے لقب سے نوازا ہے۔
اسٹریٹ ٹائمزکے مدیر وارن فرنانڈز کا کہنا ہے کہ ’ہندوستان اب مودی کا ہے اور دنیا ان کے ملک کی جانب دیکھ رہی ہے‘۔
بھارت کے قوم پرست لیڈر نے انتخابات میں بھارت کی انتخابی تاریخ کی سب سے بڑی کامیابی حاصل کی ہے اور امریکہ اور آسٹریلیا کے دوروں میں انہیں کسی پاپ اسٹارجیسی پذیرائی حاصل ہوئی ہے۔
چوسٹھ سالہ مودی ملک سے سرخ فیتے کا خاتمہ کرنے، غیر ملکی سرمایہ کاری لانے اور ملک کی نوجوان اکثریت کو روزگار کے بہتر مواقع دے کر عوام کی معاشی تقدیر بدلنے کا تہیہ کر رکھا ہے۔
