اسلام آباد: تحریک انصاف کے رہنما شاہ محمود قریشی کا کہنا ہے کہ ریلویز میں بدعنوانی کارازفاش کرنے پر سرعام کی ٹیم کو ہتھکڑی لگانا قابل مذمت ہے۔
اسلام آباد نیشنل پریس کلب میں اپنے خطاب میں شاہ محمود قریشی کا کہنا تھاکہ ماضی میں بھی صحافی برادری کو مختلف چیلنجز کا سامنا رہا اور آج بھی ہے لیکن یہ حقیت ہے کہ جمہوریت کو میڈیا نے پروان چڑھایا، ان کا کہنا تھاکہ محکمہ ریلوے میں غیرقانونی اسلحہ کی اسمگلنگ کا راز فاش کرنے پر سرعام کی ٹیم کیخلاف مقدمہ درج کرنا اور رپورٹروں کو ہتھکڑی لگانا قابل مذمت ہے، شاہ محمود قریشی کا کہنا تھاکہ پاکستان صحافیوں کیلئے خطرناک ملک بن چکا ہے، اس لیے تحریک انصاف جرنلسٹ پروٹیکشن بل کی مکمل حمایت کریگی۔
