ممبئی: بالی وڈ سپر اسٹار اداکارہ عالیہ بھٹ نے سنجے لیلا بھنسالی کی نئی ویب سیریز ’ہیرا منڈی‘ کے ٹیزر پر ردعمل دیا ہے۔
بالی وڈ سپر اسٹار اداکارہ عالیہ بھٹ نے فوٹو اینڈ شیئرنگ ایپ انسٹاگرام اسٹوری پر ویب سیریز کی پہلی جھلک شیئر کرتے ہوئے اسے ’خالص جادو‘ قرار دیا ہے۔
اداکارہ عالیہ بھٹ نے لکھا کہ مجھے اس نئی ویب سیریز ’ہیرا منڈی‘ کی ریلیز کا بے صبری سے انتظار ہے۔
ویب سیریز ’ہیرا منڈی‘ کا پہلا ٹیزر یکم فروری کو جاری کیا گیا جس میں سیریز کی مرکزی اداکاراؤں کے رقص سے لیکر کچھ ایکشن سین بھی دکھائے گئے ہیں۔
ویب سیریز کی میگا کاسٹ میں سوناکشی سنہا، منیشا کوئرالہ، ادیتیہ راؤ حیدری، رچا چڈا اور سنجیدا شیخ شامل ہیں۔
’ہیرا منڈی ‘کے ٹیزر نے دھوم مچادی
’ہیرا منڈی‘ کو 1940 کے دور میں سیٹ کیا گیا ہے اور اس میں دربار والوں اور طوائفوں کے درمیان تعلقات پر کہانی کی بنیاد رکھی گئی ہے۔
