پاکستان کی معروف اداکارہ ہانیہ عامر کی سوشل میڈیا پر ایک ویڈیو وائرل ہورہی ہے جس میں معروف میک آرٹسٹ بابر ظہیر نے کہا ہے کہ ہانیہ عامر اگلے ماہ شادی کررہی ہیں۔
فوٹو اینڈ شیئرنگ ایپ انسٹاگرام پر دیوا میگزین نے ایک ویڈیو شیئر کی ہے جس میں ہانیہ عامر کو اپنے میک آرٹسٹ بابر ظہیر سے اپنا ہیئر اسٹائل بنواتے ہوئے دیکھا جاسکتا ہے۔
View this post on Instagram
ویڈیو میں میک اپ آرٹسٹ کہتے ہیں کہ اگلے ماہ ہانیہ عامر کی شادی ہورہی ہے، یہ سُن کر اداکارہ اُلجھن کا شکار ہوجاتی ہیں۔
ہانیہ عامر کے چہرے کے تاثرات دیکھ کر بابر ظہیر پوچھتے ہیں کہ کیا یہ مضحکہ خیز ہے؟ جس پر ہانیہ کہتی ہیں یہ مضحکہ خیز نہیں ہے، تاہم انہوں نے اس کے علاوہ کچھ بھی نہیں کہا ہے۔
واضح رہے کہ ماضی میں ہانیہ عامر اور گلوکار عاصم اظہر کے درمیان رومانوی تعلقات قائم تھے، بعد میں اس جوڑی کا بریک اَپ ہوگیا تھا۔
