کراچی: اساتذہ کی تنظیم سپلا نے کہا ہے کہ الیکشن کمیشن آف پاکستان خواتین اساتذہ کو ہراساں کرنے کا نوٹس لے۔
تفصیلات کے مطابق سندھ پروفیسرز اینڈ لیکچررز ایسوسی ایشن کے عہدیداران نے نیوز کانفرنس کرتے ہوئے کہا کہ آر اوز خواتین اساتذہ کے ساتھ ہتک آمیز رویہ اختیار کررہے ہیں۔ الیکشن کمیشن خواتین اساتذہ کو ہراساں کرنے کا نوٹس لے۔
سپلا کا کہنا تھا کہ عمر رسیدہ اور بیمار اساتذہ کو بھی الیکشن ڈیوٹی کیلئے طلب کیا جارہا ہے۔ خواتین اساتذہ کی ڈیوٹی بہت دور پولنگ اسٹیشنز میں لگائی جارہی ہے۔
عہدیداران نے کہا کہ آر اوز نے جو عملہ دیا ان کا نمبر بند یا کہیں ڈیوٹی لگی ہوئی ہے۔ آر اوز اپنی نااہلی چھپانے کیلئے نزلہ اساتذہ پرگرا رہے ہیں۔
