پاکستان سپر لیگ کی مقبول ترین فرنچائز کراچی کنگز نے پی ایس ایل سیزن 9 کیلئے نئی کٹ متعارف کرا دی۔
جوں جوں پی ایس ایل کی تاریخ قریب آرہی ہے کھلاڑیوں سمیت شائقین میں دلچسپی اور جوش و خروش بڑھتا جارہا ہے جب کہ فرنچائز کی تیاریاں بھی عروج پر ہیں۔
کراچی کنگز نے کپتان شان مسعود کی جرسی کی تصویر شیئر کر دی ہے۔ کنگز کی جرسی کا رنگ سیزن 9 میں بھی نیلا اور سُرخ رکھا گیا ہے۔
Presenting you the official playing kit of Karachi Kings for #HBLPSL9 ❤️#YehHaiKarachi | #KarachiKings pic.twitter.com/z1VQ27ZZ8O
— Karachi Kings (@KarachiKingsARY) February 4, 2024
اپنی مقبول فرنچائز کی نئی کٹ کو مداحوں سے خوب پسند کیا ہے اور سوشل میڈیا پر بھی صارفین جرسی کی تعریف کر رہے ہیں۔
پی ایس ایل کی سب سے بڑی فرنچائز کراچی کنگز کی ریکارڈ موبائل فونز فروخت کرنے والی کمپنی ویگو ٹیل اسپانسر بن گئی ہے۔
ویگو ٹیل کراچی کنگز کے آفیشل پلاٹینیم موبائل فون پارٹنر بنے ہیں۔
کراچی کنگز کے مالک سلمان اقبال اور ویگو ٹیل کے چیف ایگزیکٹو آفیسر نوید گابا نے معاہدے پر دستخط کیے ہیں۔ اس موقع پر کراچی کنگز کی سیزن نائن کی جرسی انہیں پیش کی گئی۔
شراکت داری کے بعد ویگو ٹیل کا لوگو کراچی کنگز کی میچ جرسی پر آویزاں ہوگا۔
علاوہ ازیں کراچی کنگز کے پلیٹ فارم سے ویگو ٹیل کا جدید فیچر پر مبنی اسمارٹ فون نوٹ ٹوئنٹی فور بھی لانچ کردیا گیا ہے۔
