نگراں وزیر قانون نے پاکستان کوڈ کے اردو ورژن کا اجرا کر دیا ہے جس کے ذریعے عوام تمام ملکی قوانین کی معلومات قومی زبان میں جان سکتے ہیں۔
ترجمان وزارت قانون کے مطابق نگراں وزیر قانون احمد عرفان اسلم نے پاکستان کوڈ کے اردو ورژن کا اجرا کر دیا ہے۔ ویب سائٹ اردو میں تقریباً 35 قوانین کی نمائندگی کر رہی ہے۔
ترجمان کا کہنا ہے کہ اس پلیٹ فارم پر پاکستان پینل کوڈ ، پیمرا ریگولیشنز، نیب ایکٹ، انسداد دہشت گردی ایکٹ سمیت اہم قوانین نمایاں ہیں اور ان قوانین کو اردو میں فراہم کرنے کا مقصد شہریوں کے ان قوانین کو سمجھنے کیلیے آسان بنانا ہے۔
