ملک بھر میں عام انتخابات 2024 کے لیے ووٹنگ کا وقت ختم ہونے کے بعد ووٹوں کی گنتی جاری ہے اور ساتھ ہی غیرحتمی و غیرسرکاری نتائج آنے کا سلسلہ جاری ہے۔
اے آر وائی نیوز نے ذمہ دارانہ رپورٹنگ کرتے ہوئے مستند نتائج ناظرین تک پہنچانے کی روایت کو برقرار رکھا ہے۔ ملک بھر سے اے آر وائی نیوز کو ابتدائی نتائج موصول ہو رہے ہیں۔
یہ پڑھیں: الیکشن 2024 پاکستان: مکمل غیر حتمی، غیر سرکاری نتائج
این اے 64 گجرات کے 91 پولنگ اسٹیشن کے غیر حتمی غیر سرکاری نتیجے کے مطابق آزاد امیدوار قیصرہ الٰہی 43586 ووٹ لے کر آگے ہیں۔
ق لیگ چوہدری سالک حسین 7883 ووٹ لے کر پیچھے ہیں۔
واضح رہے کہ قیصرہ الٰہی مونس الٰہی کی والدہ ہیں جبکہ چوہدری سالک، چوہدری شجاعت حسین کے صاحبزادے ہیں۔
