پشاور : تحریک انصاف کے حمایت یافتہ آٹھ آزاد امیدواروں نے انتخابی نتائج میں مبینہ تبدیلی کیخلاف درخواست دائر کردی۔
تفصیلات کے مطابق انتخابی نتائج میں مبینہ تبدیلی کیخلاف پشاور ہائیکورٹ میں درخواست دائر کردی گئی ، تحریک انصاف کے حمایت یافتہ آٹھ آزاد امیدواروں نے درخواست دائر کی۔
آزاد امیدواروں نے موقف اپنایا کہ فارم پینتالیس میں نتائج ہمارے حق میں تھے، فارم45کے مطابق درخواست گزار جیت گئے ہیں۔
- Advertisement -
درخواست گزار کا کہنا تھا کہ فارم 47 کے نتائج میں درخواست گزاروں کو دوسرے نمبر پر ظاہر کیا گیا ہے۔
درخواست میں استدعا کی گئی کہ پشاورہائیکورٹ الیکشن کمیشن کو آفیشل نتائج سے روک دیں۔
