اسلام آباد : الیکشن کمیشن نے لاہور ہائی کورٹ کے حکم پر این اے 127 کے نتائج کا نوٹیفکیشن روکنے کی ہدایت کردی۔
تفصیلات کے مطابق الیکشن کمیشن کو سلمان اکرم راجہ کی درخواست پر لاہورہائیکورٹ کا فیصلہ موصول ہوگیا ، ذرائع نے بتایا کہ الیکشن کمیشن نے لاہور ہائیکورٹ کے فیصلے کا تفصیلی جائزہ لیا اور لاہور ہائی کورٹ کے حکم پر متعلقہ حلقے کا نوٹیفکیشن روکنے کی ہدایت کردی۔
ذرائع الیکشن کمیشن کا کہنا تھا کہ جب تک عدالت کاحتمی فیصلہ نہ آجائے،نوٹی فکیشن جاری نہ کیاجائے۔
یاد رہے گزشتہ روز لاہور ہائی کورٹ نے پاکستان تحریک انصاف کے حمایت یافتہ آزاد امیدوار سلمان اکر راجہ کی درخواست پر این اے 128 کا نتیجہ جاری کرنے سے روک دیا تھا۔
وکیل الیکشن کمیشن کا کہنا تھا کہ عدالت درخواست مسترد کرے کیونکہ یہ الیکشن کمیشن جا سکتے ہیں، جبکہ آزاد امیدوار کا کہنا تھا کہ میری اہلیہ پولنگ ایجنٹ ہیں جنہیں وہاں سے نکالا گیا۔
وکیل سلمان اکر راجہ نے کہا تھا کہ ہماری ووٹوں کی گنتی کرانے کی استدعا نہیں ہے، ہماری استدعا تمام نتائج جمع کرنے سے متعلق ہے، آر او کا آرڈر چیلنج کیا ہے اس پر فیصلہ چاہتے ہیں۔