سعودی عرب کی کابینہ نے اہم فیصلہ کرتے ہوئے بھارت کے ساتھ ڈیجیٹل صنعت میں تعاون کی منظوری دے دی ہے۔
غیر ملکی میڈیا کے مطابق خادم حرمین شریفین شاہ سلمان بن عبدالعزیز کی سربراہی میں سعودی کابینہ کا اجلاس ہوا جس میں ڈیجیٹل صنعت کے حوالے سے وزارت اتصالات و انفارمیشن ٹیکنالوجی اور ہندوستان کے متعلقہ ادارے کے ساتھ تعاون کی یاد داشت کی منظوری دی گئی۔
رپورٹ کے مطابق اس اجلاس میں دیگر کابینہ نے متعدد ملکی اور بین الاقوامی امور اور معاملات پر غور اور کئی اہم فیصلے کیے۔
کابینہ نے دہشت گردی کی روک تھام اور اس کی فنڈنگ روکنے کے لیے سعودی پبلک پراسیکیوشن اور انڈونیشیا کے ساتھ ہونے والے تعاون معاہدے کی بھی منظوری دی۔
اجلاس کے شرکا نے غزہ کی صورتحال پر ہونے والے مشاورتی اجلاس کا ذکر کرتے ہوئے جنگ بندی پر زور دیا اور غزہ میں انسانی امداد کے لیے محفوظ راہداریاں فراہم کرنے کا مطالبہ کیا۔
#خادم_الحرمين_الشريفين يرأس جلسة #مجلس_الوزراء.https://t.co/SfWHN1ekxE#واس pic.twitter.com/y9nBViW3bv
— واس الأخبار الملكية (@spagov) February 13, 2024
کابینہ نے بحران کے مستقل حل کے لیے دو ریاستوں کے فارمولے کا اعادہ کرتے ہوئے کہا ہے کہ 1967 کی سرحد بندی کے مطابق فلسطینی ریاست کا قیام ضروری ہے جس کا دارالحکومت مشرقی بیت المقدس ہونا چاہیے۔
اجلاس کے آغاز میں کابینہ کو گزشتہ ہفتے کے دوران ہونے والی ملاقاتوں اور وصول ہونے والے پیغامات اور گزشتہ دنوں سعودی عرب اور بحرین کونسل کے درمیان ہونے والے اجلاس کے نتائج سے بھی آگاہ کیا گیا۔
