اسلام آباد: وزیر اعظم نواز شریف نے پی ٹی آئی کے ساتھ دوبا رہ مذاکرات شروع کرنے کے لیے وفاقی وزیر خزانہ اسحاق ڈار کو ٹاسک دے دیا ہے۔
حکومت کے ذمہ دار ذرائع کے مطابق وزیر اعظم نے پاکستان تحریک انصاف کی اعلی قیادت کے ساتھ انتخابی دھاندلیوں اور دیگر امور پر مذاکرات از سر نو شروع کرنے کے لیے وزیر خزانہ اسحاق ڈار کو اجازت دے دی ہے اسحاق ڈار آج پی ٹی آئی کے رہنماؤں سے ملاقات میں ٹی او آرز طے کریں گے اور ان ٹرم آف ریفرنسز کو کل ن لیگ کی پارلیمانی پارٹی کے اجلاس میں پیش کیا جائے گا۔
